Ўзбекистондан Беларусга ҳаракатланаётган юк машинаси Қозоғистонда ёниб кетди

Атирау-Астрахан трассасида 1 январь куни «DAF» русумли юк машинаси ёниб кетган. Бу ҳақда atpress.kz хабар қилди.

Маълум бўлишича, чиққан ёнғин оқибатида машинага ортилган 12 тоннадан ортиқ пахта хом ашёси ёниб кетган. Юк машинаси Ўзбекистондан Беларусга ҳаракатланаётган бўлган.

Ўт ўчиришга икки техника ва беш нафар ўт ўчирувчи жалб қилинган. Воқеа натижасида жабрланганлар йўқ.