«Халқлар дўстлиги» санъат саройида концертлар мавсуми бошланди. Журналист Феруз Муҳаммад санъат саройида бўлиб, чипталарнинг кассадаги нархлари асосида энг қиммат концертлар рейтингини тузди.
9-ўрин. Хонанда Анвар Санаев ҳамда Ўзбекистон халқ артисти Ҳожиакбар Ҳамидов концерти
20 сентябрда хонанда Анвар Санаевнинг концерт дастури бўлиб ўтди. Ўзбекистон халқ артисти Ҳожиакбар Ҳамидовнинг концерт дастури эса 3 октябрь куни бўлиб ўтган эди. Иккала дастурнинг ҳам энг арзон чиптаси 20 минг сўм, энг қиммати эса 100 минг сўм қилиб белгиланган.
8-ўрин. Ўзбекистон халқ артисти Маҳмуд Номозов концерти
Ўзбекистон халқ артисти Маҳмуд Номозовнинг 10—11 октябрь кунлари бўлиб ўтиши режалаштирилган концертига кириш нархи 20 минг сўмдан бошланиб, 120 минг сўмгача етади.
7-ўрин. Қизиқчи Аваз Охун концерти
Қизиқчи Аваз Охуннинг 13—17 ноябрда бўладиган томошасига энг арзон кириш чиптаси эса 20 минг сўм, энг қиммати эса 150 минг сўм қилиб белгиланган.
6-ўрин. «Maximum» кулги жамоасининг концерт дастури
«Maximum» кулги жамоасининг концерт дастури 27—30 сентябрь кунлари бўлиб ўтди. Концертга кириш нархи 25 минг сўмдан бошланиб, 150 минг сўмгача белгиланган эди.
5-ўрин. Хонанда Баҳром Назаров концерти
Хонанда Баҳром Назаровнинг концерти 1—4 ноябрь кунлари бўлиб ўтади. Чипталар 30 минг сўмдан 150 минг сўмгача.
4-ўрин. «Браво» кулги жамоасининг концерт дастури
«Браво» кулги жамоасининг 13—20 октябрь кунлари бўладиган концертининг энг арзон чиптаси 25 минг сўм, энг қиммати эса 200 минг сўмдан.
3-ўрин. Хонанда Улуғбек Раҳматуллаев концерти
Ўзбекистонда хизмат кўрсатган артист Улуғбек Раҳматуллаевнинг 6—12 ноябрь кунлари бўлиб ўтадиган дастурининг чипталари нархи қуйидагича — энг арзон чипта 15 минг сўм, энг қиммат чипта эса 350 минг сўм.
2-ўрин. «Беном» гуруҳи концерт дастури
«Беном» гуруҳининг 22—24 ноябрь кунлари бўлиб ўтадиган дастурининг энг арзон чиптаси 30 минг сўмдан, энг қиммати эса 300 минг сўмдан сотилмоқда.
1-ўрин. Аль Бано
Аль Бано фақат бир кун — 22 октябрда концерт беради. Концертга энг арзон чипта — 100 минг сўм, энг қиммати эса 2 миллион сўм.
