22 январь куни Қорақалпоғистон Республикасининг “Элликқалъа” туманида “Элликқалъа – туризм ўчоғи” номли халқаро илмий, иқтисодий ва маданий-таълим анжумани бўлиб ўтади. Бу ҳақда "Ўзбектуризм" қўмитаси матбуот хизмати хабар берди.
Анжуман мамлакатнинг маданий-тарихий объектларини асраш, уларни реконструкция қилиш, қайта тиклаш ва кўп асрли тарихимизни барчага, жумладан Ўзбекистонга ташриф буюрган сайёҳларга ҳам намойиш қилишга йўналтирилган.
Тадбир доирасида ҳудуднинг маданий-тарихий обидалари намойиш этилиб, уларнинг аҳамияти ҳақида сўз юритилади.
“Элликқалъа – туризм ўчоғи” халқаро илмий, иқтисодий ва маданий-таълим анжумани инновацион лойиҳаларни амалга ошириш билан шуғулланувчи “Hamkor Stimul Servis” илмий-тадқиқот маркази томонидан Туризмни ривожлантириш давлат қўмитаси, Маданият вазирлиги, Ташқи ишлар вазирлиги, Фанлар академияси, Инновацион ривожланиш вазирлиги ҳамкорлигида ўтказилади.
