Ижтимоий тармоқларда Тошкент шаҳри, Миробод туманидаги 263-мактаб иситилмаётгани ҳақида маълумотлар эълон қилинган эди.
Халқ таълими вазирилигининг Матбуот котибининг хабарига кўра, 2020 йил, 23 январь куни 263-мактабнинг марказий иситиш тизимида носозликлар юзага келган. Мактаб маъмурияти носозлик бартараф этилгунига қадар иситиш тизимини ўчириш бўйича қарор қабул қилган. Хоналар иситилмаганлиги туфайли 24 январь кунидаги дарслар 5 дақиқага қисқартирилган.
Айни пайтда иситиш тизимидаги муаммо ҳал этилиб, дарслар ўрнатилган тартибда олиб борилмоқда.