Тошкент шаҳар ИИББ Ўзбекистон Республикаси ИИВнинг 1-сонли Тошкент Академик лицейи қабул қилиш учун танловлар бошланишини эълон килади.
Ўзбекистон Республикаси ИИВнинг 1-сонли Тошкент Академик лицейига Тошкент шаҳрида доимий пропискага эга бўлган, соғлиғи жиҳатидан ўқишга яроқли деб трпилган, дастлабки, махсус-профессионал танлов ва тест синовларидан муваффақиятли ўтган умумтаълим муассасаларининг 9-синфини тамомлаётган номзодлар қабул қилинади.
Танловлардаиштирок этиш истагини билдирган номзодлардан 2019 йилнинг 01 февраль кунидан 15 апрель кунига қадар, Тошкент шаҳар, Миробод тумани, Саид Барака кўчаси, 7-уйда жойлашган Тошкент шаҳар Ички ишлар бош бошқармаси Кадрлар бошқармасига мурожаат қилишлари мумкин.
Мурожаат этмоқчи бўлган номзодлар ариза ёзишдан олдин ишчи гуруҳга қуйидаги ҳужжатларни тақдим этади:
-ўқиш жойидан тавсифнома;
-туғилганлик ҳақидаги гувоҳнома ёки паспорт нусхаси;
-мудофаа ишлари бўлимларида рўйхатда туриши тўғрисидаги маълумотноманинг нусхаси (ўғил болалар учун);
-фанларни ўзлаштириши тўғрисида ўқиш жойидан мактаб директори томонидан тасдиқланган маълумотнома;
-3 х 4 см ўлчамдаги 6 та фотосурат (бош кийимсиз ва бурчаксиз) ҳамда 9 х 12 см ўлчамдаги 2 та фотосурат (бош кийимсиз).
Танловлар босқичма-босқич қуйидаги кетма кетликда амалга оширилида:
-дастлабки танлов;
-махсус-профессионал танлов;
-тест синови.