Сув-ботқоқлик ерлар куни 1971 йил 2 февралда ЮНЕСКО қарори билан Эроннинг Рамсар шаҳридаги халқаро аҳамиятга эга бўлган сув-ботқоқлик ерларда яшовчи қушларни ҳимояга олиш мақсадида Конвенциянинг имзоланиши асосида жорий этилган.
Сув-ботқоқлик ерлар туркумига кўллар, ботқоқликлар, коралл рифлари, торфли ерлар, ҳавзалар, барча сув-ботқоқлик худудлар киради.
Мазкур ерларнинг асосий хусусияти шундаки, асосий компонентлардан: тупроқ, сув, ҳайвонлар ва ўсимликларнинг комплекс боғлиқлиги, турли вазифаларни бажариши ва улардан инсоният асрлар давомида фойдаланиб келаётганлигидир.
Сув-ботқоқлик ерларнинг кўплаб бажарадиган вазифаларидан баъзи бирлари: сув тошқинларини ушлаб қолиши, тупроқ сувларини тўлдириши, пўртанадан ҳимоялаш ва соҳил бўйларини бир маромда ушлаб туриш, климат ўзгаришини енгиллаштириш, чўкма ва озуқа моддаларини тўплаш, сувни тозалаш, биологик турларни сақлашдир.
