Хитойнинг Ухань шаҳрида яна битта коронавирусни даволашга ихтисослаштирилган шифохона фойдаланишга топширилди. Бу ҳақда Хитойнинг "Синьхуа" ахборот агентлиги хабарига таяниб LB.ua маълум қилди.
Бу шифохона 1600 нафар беморга мўлжалланган бўлиб. эндиликда, вирус аниқланган беморлар шу ерга жойлашади. Янги шифохонада 2000 нафар шифокор фаолият олиб бормоқда.
Мазкур шифохона 79 минг квадрат метр майдонни эгаллаган, ундаги 10 та бино тиббиёт ходимлари ва логистика амалиётлари учун мўлжалланган. Бу ерда шифокорлар учун 264 та хона ажратилган бўлиб, ҳар бирида учта каровот, кондиционер, телевизор, алоҳида ҳожатхона ва душ мавжуд.
Аҳволи оғир беморлар учун алоҳида махсус хоналар бор.
Шунингдек, шу ҳафта бошида Хошеншан шифохонаси беморларни қабул қила бошлади, у 10 кун ичида қурилган эди. Иккинчи шифохона 27 январда қурила бошланганди.
Сўнгги маълумотларга кўра, коронавирус қурбонлари сони 724 нафарга етган. Қурбонларнинг фақатгина икки нафари Хитойдан ташқарида вафот этган.
Дунё бўйича коронавирус билан касалланганлар сони эса 34 878 тага, даволанганлар сони 2085 нафарга етди.
