Новгород тумани суди томонидан ўта йирик миқдордаги фирибгарлик, жиноятга шериклик қилиш, шунингдек жиноий ҳаракатлар натижасида эга бўлган пул маблағларини қонунийлаштириш фактлари бўйича жиноий ишнинг кўриб чиқилиши якунланди. Бу ҳақда Россия Федерацияси ИИВ Ахборот хизмати хабар берди.
Великий Новгород шаҳри бўйича Россия ИИВнинг бошқармаси Иқтисодий хавфсизлик ва коррупцияга қарши кураш бўлимининг материаллари бўйича, ушбу жиноий ишнинг тергови билан Новгород вилояти буйича Россия ИИВнинг бошқармаси Тергов бошқармаси шуғулланган.
Санкт Петербургнинг 41 ёшли фуқароси 2013 йилда назорат остидаги фирмасининг пул айланмасини тўлдириш учун 255 миллион рубль миқдорида кредит олиш учун дастлаб қалбаки ҳужжатлар тақдим этган. Кредитни олганидан сўнг маблағнинг бир қисмини ушбу ташкилотнинг эҳтиёжлари учун ишлатган, қолганини эса шахсий мақсадларида ўзлаштирган. Бунда банкдан кредитга олинган пул қайтарилмаган.
Бундан ташқари ўзининг назорати остидаги ташкилотлардан бири номидан Старая Русса шаҳрида мол-мулк мажмуасини харид қилиб, бошқа ташкилотларга сотиб юборган, бунинг натижасида 6 миллион рубль қўшимча солиқ қийматини қоплашга ҳуқуқ олган, кейинчалик ушбу маблағни қонунийлаштирган.
Шу билан бирга, полициячилар айбдорни таниши бўлган кредит фаолияти соҳасида фирибгарлик ҳаракатлари ва жиноий йўл билан топилган маблағларни қонунийлаштиришда айбланаётган 48 ёшли Санкт-Петербург тадбиркорига шериклик қилганлигини аниқлашган. Новгород шаҳрининг банкларидан бирига гўёки, Новгород вилоятининг 2 та меҳмонхоналарини қайта қуриш ва замонавийлаштириш учун 136 миллион рубль кредит олиш учун қалбаки ҳужжатлар тақдим этган.
Жиноятлар йиғиндиси бўйича жиноятни қисман қўшиш йўли билан суд жиноят иши фигурантини 3 миллион рубль миқдорида жарима солиниши билан биргаликда 7 йилга озодликдан маҳрум этиш ҳукмини чиқарди. Жазо муддати умумий тартиб колониясида ўталади.
