Россия Давлат думаси амалдор шахсларга фуқароларни ҳақорат қилгани учун жарима белгиланишини назарда тутувчи қонун лойиҳасини биринчи ўқишда қабул қилди.
Ҳужжатда бунинг учун давлат амалдорига 150 минг рублгача бўлган жарима солиниши кўзда тутилади.
Ҳозирги пайтда бу каби ҳолатларда давлат амалдорлари учун жавобгарлик белгиланмаган. Лекин, кейинги пайтларда уларнинг фуқароларга нисбатан таҳқирловчи ва нафсониятга тегувчи муносабатларига оид фактлар қайд этилдики, бу қонун лойиҳасида ўз аксини топди.
