Америкалик енгилмас боксчи Тревелл Мазион 15 июль, чоршанба куни Остин шаҳрида (Техас штати) содир бўлган автоҳалокат оқибатида вафот этди. ЙТҲда Яна икки киши тан жароҳати олган.
Мазион яна 9 кундан кейин 25 ёшга тўларди.
Супер ярим ўрта (-69,85 кг) вазн тоифасида рингга чиқувчи боксчи 2013 йилда профи боксда дебют қилган ва охирги жангини 2020 йилнинг 11 январида ўтказганди. Ўшанда Тревелл Фернандо Кастанедани 1-раунддаёқ мағлуб этиб, NABF чемпионлик камарига эга чиққанди.
У жами 17 жанг ўтказиб, уларнинг барчасида ғалаба қозонган ва 13 жангни нокаут билан якунлаганди.
