Joriy yilda xizmatlar sohasi uchun banklar tomonidan kamida 18 trillion so`m kreditlar yo`naltiriladi, deya xabar qilmoqda “Darakchi” muxbiri Prezident videoselektor yig`ilishidan.
Bundan tashqari, davlat tomonidan tijorat banklari orqali qo`shimcha 300 million dollar, shundan 1 iyulgacha 150 million dollar ajratiladi.
Birinchi bosqichda:
- Samarqandga – 160 milliard so`m;
- Toshkent shahri, Andijon, Qashqadaryo va Farg`onaga – 150 milliard so`mdan;
- Namangan va Surxondaryoga – 125 milliard so`mdan;
- Buxoro – 90 milliard so`m, Jizzax – 85 milliard so`m;
- Qoraqalpog`iston va Xorazmga – 75 milliard so`m;
- Sirdaryoga – 60 milliard so`m;
- Navoiyga – 55 milliard so`m ajratiladi.
“Bu mablag`lar barcha tuman va banklar kesimida taqsimlandi va buni barcha hokimlar olgan. Viloyat, tuman, shahar hokimlari tijorat banklari bilan birga, ajratilgan mablag` yoniga yana shuncha miqdorda resurs topishlari, ya`ni bu ishlarni “ellikka – ellik” tamoyili asosida tashkil etishlari shart va zarur”, - dedi Prezident.
Viloyat, tuman, shahar hokimlari, sektor rahbarlari, mahallaga iqtisodiy kompleksdan biriktirilgan mas`ullar bilan birga, “mahalla – tuman – bank” prinsipi asosida loyihalar ro`yxatini shakllantiradi.
Tuman va shaharlarning mablag`lardan samarali foydalanishiga qarab, 1 sentyabrdan keyingi 150 million dollarni ajratiladi. Byudjetdan va banklar tomonidan qo`shimcha ajratiladigan mablag` jami 500 million dollar yoki 5,5 trillion so`mni tashkil etadi.
Mavzuga doir:
