2022-2023 -o`quv yilidan boshlab umumta`lim maktablariga jami 45 nomdagi ingliz tili va informatika darsliklari Cambridge tomonidan chop etiladi. Bu haqda Respublika ta`lim markazi xabar berdi.
Qayd etilishicha, bu jarayon Xalq ta`limi vazirligi va Amerika Qo`shma Shtatlari Xalqaro Taraqqiyot Agentligi (USAID) bilan hamkorlikda amalga oshirayotgan "O`zbekiston Barkamollik uchun Ta`lim dasturi" loyihasi doirasida bo`lib o`tadi.
Ma`lumotga ko`ra, Cambridge tomonidan ishlab chiqilgan 1-11-sinf Ingliz tili hamda 5-11 -sinfgacha informatika va axborot texnologiyalari fanlari darsliklari mahalliylashtirilib, o`zbek tiliga tarjima qilingan.
"Buning natijasida O`zbekistonda 6,5 million nafardan ziyod o`quvchilar yuqori sifatli darsliklardan, o`n minglab o`qituvchilar esa yuqori sifatli qo`llanmalardan foydalanish imkoniyatiga ega bo`ladi",-deyiladi xabarda.
