Farg`ona viloyati Buvayda tumanida spirtli ichimlik ta`sirida bo`lgan erkak o`z xotinining qotiliga aylandi.
Oilaviy nizo tufayli ayol o`z onasining uyiga arazlab ketadi. Erkak qayinonasining xonadoniga mast holatda boradi va turmush o`rtog`i bilan o`zaro janjallashib qoladi. G`azablangan erkak rafiqasining ko`krak qismiga oshxona pichog`i bilan bir marotaba uradi. Olgan og`ir tan jarohati tufayli ayol voqea joyida vafot etadi.
Mazkur holat yuzasidan tuman prokuraturasi tomonidan erkakka nisbatan O`zbekiston Respublikasi Jinoyat Kodeksining 97-moddasi 1-qismi bilan jinoyat ishi qo`zg`atilib, qamoqqa olish ehtiyot chorasi qo`llanilgan. Hozirda tergov harakatlari davom ettirilmoqda.
