Joriy yilning 18 noyabr kuni ertalabki soat 09:44 da, "1-Avtobus saroyi" MChJ tasarrufidagi 55-sonli yo`nalishda harakatlanuvchi avtobus haydovchisi B.T yo`lovchiga nisbatan qo`pol muomalada bo`lganligi haqidagi xabar ijtimoiy tarmoqlarga joylashtirilgan.
"Toshshahartransxizmat" rahbariyati avtobus haydovchisi B.T dan yo`lovchiga nisbatan qo`pol munosabatda bo`lganligi uchun tushuntirish xati olgan hamda kelgusida yana shu kabi holatlar takrorlansa qat`iy intizomiy jazo qo`llanilishi haqida ogohlantirgan.
Shu bilan birga, "1-Avtobus saroyi" MChJ ma`muriyati tomonidan haydovchi va chiptachilarga harakat davomida yo`lovchilarga xushmuomalada bo`lgan holda sifatli transport xizmatini ko`rsatish to`g`risida tushuntirish ishlari olib borilgan.
Yuqoridagi kabi holatlar kuzatilgan taqdirda "Toshshahartransxizmat" Aksiyadorlik jamiyatining 1062 ishonch raqamiga va info@tashbus.uz orqali murojaat qilishingiz hamda avtobus haydovchisi amalga oshirayotgan qoidabuzarlikni suratga olib avtobus raqamini yuborish so`rolmoqda.
