Internet tarmog`ida tarqalayotgan Shayxontohur tumanida ro`y bergan yo`l transport hodisasi to`g`risidagi xabarlar bo`yicha IIBB quyidagilarni ma`lum qildi.
2021-yil 8 dekabr kuni taxminan soat 22:00 da Shifo-nur va Talabalar ko`chalari kesishmasida “Cobalt” avtomobilini tegishli huquqsiz boshqargan 15 yoshli A.M. qarama-qarshi harakat yo`lga chiqib, 33 yoshli R.I. boshqaruvidagi “Matiz” avtomobiliga to`qnashgan.
To`qnashuvdan so`ng “Cobalt” harakatni boshqaruvsiz davom etib daraxtga to`qnashgan va yonishni boshlagan. Yong`in voqea joyiga etib kelgan yong`in xavfsizligi xodimlari tomonidan o`chirildi.
To`qnashuv oqibatida ikkala haydovchi ham badan shikastlari bilan tibbiyot muassasasiga etkazildi. Ularning holati qoniqarli.
Ushbu fakt bo`yicha Toshkent shahar IIBB xodimlari tomonidan tergov tekshiruv o`tkazilmoqda.
