Oliy Majlis Qonunchilik palatasining navbatdagi majlisi noana`naviy boshlandi. Kun tartibidagi masalalar ko`rilishidan oldin dastlab O`zbekiston Respublikasi davlat madhiyasi yangradi. Chunonchi, 10 dekabr istiqlol va milliy g`ururimiz timsoli bo`lgan madhiyamiz qabul qilingan kun.
Ushbu jonajon Vatanimizning birdamlik qo`shig`ida xalqimizning azaliy va abadiy xohish-irodasi, teran tafakkuri, yillar davomida istiqlol va istiqbol yo`lida, g`animlarga qarshi kurashlarda so`nmagan or-nomusi, o`z boshini va qaddi-qomatini baland ko`tarib yurish uchun tayanch va suyanch manbai bo`lmish buyuk va muqaddas mustaqil Vatan barpo etish g`oyasi aks etgan.
