Bu haqda viloyat hokimining murojaatnomasida aytiladi.
Namangan viloyatda 2022 yilda 3 ta matematika va fizika, 4 ta kimyo va biologiya, 3 ta informatika fanlarini chuqurlashtirib o`qitishga ixtisoslashtirilgan maktablar tashkil etiladi. Bu haqda Namangan viloyat xokimi Shavkat Abdurazokov o`z murojaatnomasida aytib o`tdi, deya xabar bermoqda "Darakchi" muxbiri Umida Qo`shoqova.
Qayd etilishicha, viloyatda 3 ta matematika va fizika, 4 ta kimyo va biologiya, 3 ta informatika fanlarini chuqurlashtirib o`qitishga ixtisoslashtirilgan maktablar tashkil etiladi.
Shu bilan birga, sport zallari mavjud bo`lmagan 21 ta maktablarga zamonaviy sport zallar bilan ta`minlanadi.
Oliy ta`lim tizimida viloyatda kelgusida 10 ta oliy ta`lim muassasalari tashkil etiladi.
Jumladan:
- Xalqaro raqamli universitet (IDU-International digital university) Namangan filiali (Buyuk Britaniyaning Vulverxempton universiteti bilan);
- Pokiston Islom Respublikasining Lahor Universiteti bilan hamkorlikda “The international university of Namangan” universiteti;
- IMPULS BSR” MChJ tomonidan Davlat xususiy sherikchilik asosida Nodavlat oliy ta`lim muassasasi;
- “QAQNUS INDUSTRY” MChJ ustav kapitali asosida davlat ulushi bo`lmagan “Usmon Nosir nomidagi Namangan universiteti”;
- “Yangi asr universiteti” xususiy universitet;
- Qozog`iston bilan hamkorlikda “Outlet vodiy” MChJ tomonidan Ijtimoiy-gumanitar halqaro universitet;
- Ixtisoslashtirilgan Ibrat maktabi qoshida Xorijiy tillar universiteti;
- Namangan davlat universiteti qoshida Pedagogika instituti;
- Namangan davlat universiteti qoshida Jismoniy madaniyat instituti;
- Namangan muhandislik-texnologiya instituti negizida “Namangan to`qimachilik sanoati texnologiyasi instituti” tashkil etiladi.
Yana bir muhim jihat, Davlatobod tumanidagi “Yangi O`zbekiston - yoshlar ziyo maskani” kutubxonasi namunasida qolgan tumanlarda ham kutubxonalarni tashkil etish choralarini ko`rilishi ham aytiladi.
