AOKAda bo`lib o`tgan brifingda Davlat bojxona qo`mitasi axborot xizmati rahbari o`rinbosari Husan Tangriev pirotexnika vositalari noqonuniy aylanmasiga qarshi kurash yo`nalishida amalga oshirilayotgan chora-tadbirlar yuzasidan ma`lumot berdi.
Ma`lum qilinishicha, joriy yilning 27 dekabr holatiga ko`ra, respublika bojxonachilari tomonidan aniqlangan 209 ta bojxona qonunbuzilishi holatida 5 mln. 732 ming donadan ortiq pirotexnika vositalarining noqonuniy aylanmasiga chek qo`yilgan.
Umumiy hisobda, yil boshidan buyon davlat bojxona xizmati organlari tomonidan huquqbuzarlik ashyosi sifatida olib qo`yilgan jami pirotexnika vositalarining umumiy qiymati 4 mlrd. 695 mln. so`mni tashkil qilmoqda.
