Bu haqda Adliya vaziri R. Davletov yozmoqda.
Uning qayd etishicha, Adliya tizimi bir kunda o`rtacha 70 ming fuqaroga xizmat ko`rsatmoqda.
"Adliya organlari faoliyatini fuqaro ehtiyojiga qaratilgan tarzda tashkil qilish va aholini rozi qilish bizning majburiyatimiz. Buning uchun, avvalo, byurokratiyani qisqartirish aholining hayotini osonlashtirishda tez samara beradigan vositadir",-deydi vazir.
Birgina 73 turdagi ma`lumot va "spravka"larning bekor qilinishi natijasida yiliga o`rtacha 5 mlndan ortiq fuqaroning ovora bo`lishiga barham berilib, ularning 60 mlrd so`mdan ortiq mablag`i o`zida qolgani ta`kidlanadi.
"Umuman olganda, o`tgan yil davomida tizim tashkilotlari tomonidan aholiga 11 mln dan ortiq xizmatlari ko`rsatildi. Kelayotgan yildan 59 turdagi davlat xizmatini ko`rsatish muddati o`rtacha 2 baravar qisqartiriladi",-deydi Davletov.
Ta`kidlanishicha, kelgusi yillarda to`lovlar qisqartirildi:
"Kam ta`minlanganlar, I va II guruh nogironligi bo`lgan shaxslarga davlat xizmatlari bo`yicha har qanday to`lovlar 50 foiz chegirma bilan ko`rsatiladi",-deydi vazir.
Qayd etiladiki, 6 turdagi davlat xizmati uchun to`lovlar miqdori allaqachon keskin kamaytirildi, ilgari to`lov undirilgan 2 turdagi xizmat endi bepul ko`rsatilmoqda.
