15 yanvar sanasida Moskvadagi Kreml saroyida Markaziy Osiyo xalqlari do`stligi gala-konserti o`tkazilgan edi. Unda O`zbekistonning taniqli xonandasi Ozoda Nursaidova ham ishtirok etdi. Nursaidova hozir ham Moskvada bo`lib turibdi.
U o`zining "Instagram"dagi sahifasi orqali xabar qilishicha, unga Rossiya Federasiyasi Prezidenti Vladimir Putin nomidan soat sovg`a qilindi.
Unga berilgan jigarrang quti ustiga Rossiya Prezidentidan deb yozilgan va Federasiya gerbi tushirilgan. Quti ichidan qimmatbaho toshlar bilan bezatilgan tilla soat va uning haqiqiyligini tasdiqlovchi pasport o`rin olgan.
Soat siferblatiga ham Rossiya gerbi va Prezident yozuvi tushirilgan.
Qayd etilishicha, ushbu sovg`a Rossiya Prezident nomidan taqdim etilgan va u do`konlarda sotilmaydi. Ular maxsus nusxalarda tayyorlanadi.
