Kecha 10 may kuni soat 16:00 lar atrofida Surxondaryo viloyati Sariosiyo tumanining tog`li hududi “Bog`iston” MFY “Zoxona” qishlog`ida qisqa muddatli kuchli yomg`ir yog`ishi natijasida sel oqimi hodisasi yuzaga kelgan edi.
Hodisa oqibatida ushbu hududda o`zining “Nexia" rusmli avtomashinasida bo`lgan Uzun tumani "Istiqlol” mahallasida yashovchi ikki nafar fuqaroni ham sel oqimlari oqizib ketgan edi.
FVV holat yuzasidan qo`shimcha ma`lumot berdi.
Sariosiyo tumanining tog`li hududi “Bog`iston” MFY “Zoxona” qishlog`ida qisqa muddatli kuchli yomg`ir yog`ishi natijasida sel oqimi hodisasi oqibatida qidirilayotgan ikkinchi fuqaroning ham jasadi topildi.
Ayni vaqtda “To`palang” daryosi o`zanidan ikkinchi fuqaroning jasadi olib chiqilmoqda, ikkinchi fuqaroning jasadi birichi fuqaro jasadi topilgan joydan taxminan 5 km quyidan topildi.
Voqea joyida FVB qutqaruvchilari, Milliy Gvardiya, Ichki ishlar va tegishli xizmatlar xodimlari tomonidan sel oqimi oqibatlarini bartaraf etish ishlari davom ettirilmoqda.
