Joriy yilning 1 yanvar kuni Toshkent shahrining Shayxontohur tumanida bir nechta yigitlar yo`lning o`rtasida "ognetushitel"ni portlatishgan edi. Natijada, 3 nafar fuqaroga tan jarohati etgan edi.
JIB Shayxontohur tumani sudida mazkur holat bo`yicha 8 nafar shaxsga nisbatan sud ishi ko`rib chiqildi. 8 nafar sudlanuvchi bir guruh bo`lib, oldindan til biriktirib pirotexnika buyumlarini qonunga xilof ravishda tayyorlash, saqlash, tashish va undan foydalanish jinoyatini sodir qilishgan.
Sudlanuvchilar:
Birinchi sudlanuvchi 21 yosh.
Ikkinchi sudlanuvchi 22 yosh.
Uchinchi sudlanuvchi 19 yosh.
To`rtinchi sudlanuvchi 25 yosh.
Beshinchi sudlanuvchi 21 yosh.
Oltinchi sudlanuvchi 21 yosh.
Ettinchi sudlanuvchi 21 yosh.
Sakkizinchi sudlanuvchi 27 yosh.
Jinoyat ishlari bo`yicha shayxontohur tuman sudida ochiq sud majlisida jinoyat ishlari bo`yicha Shayxontohur tuman sudi raisi Tolibjon Obidov raisligida Jinoyat kodeksining 250-1-moddasi (pirotexnika buyumlarining qonunga xilof muomalasi) da nazarda tutilgan jinoyatni sodir etgan 8 nafar shaxsga oid jinoyat ishi ko`rib chiqildi va hukm o`qildi.
Sud hukmiga ko`ra, 5 nafar sudlanuvchiga nisbatan 4 yil ozodlikdan mahrum qilish, 3 nafariga esa 4 yil muddatga ozodlikni cheklash jazosi tayinlandi.
Hukm ustidan apellyasiya shikoyati va protesti hukm e`lon qilingan kundan e`tiboran 20 sutka ichida, mahkumlar va jabrlanuvchilar tomonidan esa ularga hukmning ko`chirma nusxasi topshirilgan kundan e`tiboran shu muddat ichida shu sud orqali Toshkent shahar sudiga berilishi mumkin.