O`zbekistonning “Qanot Sharq” aviakompaniyasi 21 iyuldan Sankt-Peterburg – Samarqand yo`nalishi bo`yicha to`g`ridan-to`g`ri muntazam qatnovni yo`lga qo`yadi.
Bu haqda “Interfaks” Shimoliy poytaxtning Pulkovo aeroporti matbuot xizmatiga tayanib xabar berdi.
Qayd etilishicha, parvozlar har hafta payshanba kunlari 174 nafar yo`lovchini sig`dira oladigan A320 samolyotlarida amalga oshiriladi. Bundan tashqari, Pulkovodan Samarqand va Buxoroga parvozlar ham “O`zbekiston havo yo`llari” tomonidan amalga oshiriladi.
“Qanot Sharq” O`zbekistondagi birinchi xususiy aviakompaniyadir. Kompaniya ilgari yuk tashish bilan shug`ullangan bo`lsa, 2021 yildan boshlab yo`lovchi tashish kompaniyasi sifatida ishlay boshladi.
