Xalq ta`limi vazirligining bergan xabariga ko`ra, bugun 10:00 da mikrohududdan tashqari maktablarga onlayn hujjat topshirish boshlanadi.
Shuningdek, My.maktab.uz platformasi yoki tizimning mobil ilovasi yordamida mikrohududdan tashqari hududda joylashgan maktablarga ariza yuborilgandan so`ng belgilangan kun va vaqtda maktabga o`z farzandlaringiz bilan tashrif buyurishingiz kerak bo`ladi.
Ma`lumot uchun:
Shu kunga qadar my.maktab.uz platformasi orqali biriktirilgan mikrohudud byo`icha 79 152 ariza kelib tushgan bo`lib, shundan 54 771 nafarining arizalari umumta`lim maktablariga qabul qilingan.
Mikrohududdan tashqari maktabga yuborilgan ariza qabul qilinganidan so`ng, mikrohudud bo`yicha qabul qilingan mavjud ariza avtomatik ravishda tizim tomonidan o`chiriladi.
Maktab ma`muriyati zaruriyatga ko`ra elektron platforma orqali yuborilgan ma`lumotlarning haqqoniyligini o`rganish uchun ota-onalardan shaxsini tasdiqlovchi hujjat va tug`ilganlik haqidagi guvohnomaning asl nusxasini talab etishga haqli.
Qabul jarayonlari bo`yicha qo`shimcha ma`lumotlarni @mymaktab_uz telegram kanali yoki 71 203-07-04 telefon raqami orqali olish ma`lumot olish mumkin.
