Халқ таълими вазирлигининг берган хабарига кўра, бугун 10:00 да микроҳудуддан ташқари мактабларга онлайн ҳужжат топшириш бошланади.
Шунингдек, Мy.maktab.uz платформаси ёки тизимнинг мобил иловаси ёрдамида микроҳудуддан ташқари ҳудудда жойлашган мактабларга ариза юборилгандан сўнг белгиланган кун ва вақтда мактабга ўз фарзандларингиз билан ташриф буюришингиз керак бўлади.
Маълумот учун:
Шу кунга қадар my.maktab.uz платформаси орқали бириктирилган микроҳудуд бйўича 79 152 ариза келиб тушган бўлиб, шундан 54 771 нафарининг аризалари умумтаълим мактабларига қабул қилинган.
Микроҳудуддан ташқари мактабга юборилган ариза қабул қилинганидан сўнг, микроҳудуд бўйича қабул қилинган мавжуд ариза автоматик равишда тизим томонидан ўчирилади.
Мактаб маъмурияти заруриятга кўра электрон платформа орқали юборилган маълумотларнинг ҳаққонийлигини ўрганиш учун ота-оналардан шахсини тасдиқловчи ҳужжат ва туғилганлик ҳақидаги гувоҳноманинг асл нусхасини талаб этишга ҳақли.
Қабул жараёнлари бўйича қўшимча маълумотларни @mymaktab_uz телеграм канали ёки 71 203-07-04 телефон рақами орқали олиш маълумот олиш мумкин.
