Orolda mikrosxemalar ishlab chiqaruvchi eng yirik kompaniyalar joylashgan.
Agar Xitoy Tayvanga bostirib kirsa, har ikki hudud iqtisodiyoti beqarorlikka yuz tutadi. Bu haqda yarimo`tkazgichlar ishlab chiqaruvchisi bo`lgan Taiwan Semiconductor Manufacturing Company (TSMC) direktori Mark Lyu ma`lum qildi, deya yozmoqda Zamon.uz' nashri.
Qayd etilishicha, Lyu harbiy harakatlar vaqtida uning kopmaniyasi himoyasiz qolishi va faoliyati to`xtashi mumkinligidan ogohlantirgan.
TSMC rahbari bu Xitoyga ham zarar keltirishini, sababi kompaniyaning 10 foiz ulushi Pekinga tegishli ekanini aytgan.
Lyu, shuningdek, dunyo iqtisodiyoti to`xtab qolmasligi uchun barcha tomonlardan nizoning oldini olishga harakat qilishlarini iltimos qilgan.
Eslatib o`tamiz, bugun, 2 avgust kuni AQSh Kongressi vakillar palatasi spikeri Nensi Pelosi Tayvanga keldi. Uning orolga ehtimoliy tashrifi Xitoyning keskin noroziligiga sabab bo`lmoqda. Xususan, sal avval Si Szinpin Jozef Bayden bilan telefon muloqoti chog`ida "olov bilan o`ynashmaslik"ni maslahat bergan. Biroq Nensi o`z tashrifi bilan bog`lab aytilgan, Xitoy suverenitetiga qarshi kurash deb hisoblagan nuqtai nazarni rad etgan.
