Оролда микросхемалар ишлаб чиқарувчи энг йирик компаниялар жойлашган.
Агар Хитой Тайванга бостириб кирса, ҳар икки ҳудуд иқтисодиёти беқарорликка юз тутади. Бу ҳақда яримўтказгичлар ишлаб чиқарувчиси бўлган Taiwan Semiconductor Manufacturing Company (TSMC) директори Марк Лю маълум қилди, дея ёзмоқда Zamon.uz' нашри.
Қайд этилишича, Лю ҳарбий ҳаракатлар вақтида унинг копманияси ҳимоясиз қолиши ва фаолияти тўхташи мумкинлигидан огоҳлантирган.
TSMC раҳбари бу Хитойга ҳам зарар келтиришини, сабаби компаниянинг 10 фоиз улуши Пекинга тегишли эканини айтган.
Лю, шунингдек, дунё иқтисодиёти тўхтаб қолмаслиги учун барча томонлардан низонинг олдини олишга ҳаракат қилишларини илтимос қилган.
Эслатиб ўтамиз, бугун, 2 август куни АҚШ Конгресси вакиллар палатаси спикери Нэнси Пэлоси Тайванга келди. Унинг оролга эҳтимолий ташрифи Хитойнинг кескин норозилигига сабаб бўлмоқда. Хусусан, сал аввал Си Цзиньпин Жозеф Байден билан телефон мулоқоти чоғида "олов билан ўйнашмаслик"ни маслаҳат берган. Бироқ Нэнси ўз ташрифи билан боғлаб айтилган, Хитой суверенитетига қарши кураш деб ҳисоблаган нуқтаи назарни рад этган.
