Mansabdor shaxslar tomonidan bank kartalari bilan bog`liq sodir etilgan jinoyat
Surxondaryo viloyati Oltinsoy tumanida yashovchi fuqaro O.S. ariza bilan murojaat qilib, arizasida o`ziga tegishli bo`lgan “Humo” bank kartasida bo`lgan jami 48.640.550 so`m miqdoridagi pullar noma`lum shaxslar tomonidan echib olinganligini bildirgan. Bu haqda IIV Kiberxavfsizlik markazi xabar bermoqda.
Olib borilgan tezkor-qidiruv tadbirlari natijasida O.S. ismli fuqaroning bank kartasidan pullarini o`g`irlagan shaxslar “Agrobank” Oltinsoy tumani bo`limi xodimlari, Sho`rchi tumanida yashovchi, Q.Sh. va A.S. ekanligi aniqlandi.
Ushbu fuqarolarga nisbatan JKning 169-moddasi bilan jinoyat ishi qo`zg`atilib, tergov harakatlari olib borildi.