"Uzbekistan Airports" rahbari Toshkent xalqaro aeroportida rasmiy taksi ishga tushirilgach, noqonuniy taksichilar bir necha bor provokasiya uyushtirganini yo`lovchilar xavfsizligiga tahdid ekanligini ta`kidlab, "kirakashlar" masalasini Aeroportning o`zi hal qilolmasligini, muammoni hal qilishda huquq-tartibot idoralari qo`llab-quvvatlashi kerakligini bildirgan edi.
Vaziyat yuzasidan ma`lumot bergan Toshkent shahar IIBBga ko`ra, 15 sentyabr kuni Toshkent shahar IIBB boshlig`i general-mayor Aziz Tashpulatov va “Toshshahartransxizmat” AJ boshqaruv raisi Anvar Djuraev aeroport hududi atrofidagi yo`lovchi tashish bilan shug`ullanuvchi haydovchilar bilan uchrashib, profilaktik suhbat o`tkazgan hamda aniqlangan muammolarni bartaraf etish yuzasidan tegishli topshiriqlar berishgan.
