Qashqadaryo viloyati hokimi Murodjon Azimovning ikki nafar o`rinbosari lavozimidan ozod etildi. Bu haqda viloyat hokimligi matbuot kotibi xabar qildi.
Ma`lum qilinishicha, hokimlik soatida bir neta rahbar ishdan olingan, yana bir nechtasiga xayfsan berilgan. Jumladan:
- Viloyat hokimi yoshlar siyosati, ijtimoiy rivojlantirish va ma`naviy-ma`rifiy ishlar bo`yicha o`rinbosari Rustam Yuldoshev boshqa ishga o`tishi munosabati bilan vazifasidan ozod etildi. O`rniga Qobilov Anvar Eshpo`latovich tayinlandi
U O`zbekiston Respublikasi Prezidenti Administrasiyasi huzuridagi Iqtisodiy tadqiqotlar va islohotlar markazi Qashqadaryo viloyati filiali rahbari lavozimida ishlab kelayotgan edi.
- Viloyat hokimining qurilish, kommunikasiyalar, kommunal xo`jalik, ekologiya va ko`kalamzorlashtirish masalalari bo`yicha o`rinbosari Akbar Eshonqulov ham boshqa ishga o`tishi munosabati bilan vazifasidan ozod etildi. Uning o`rniga Azizov Murodullo G`anievich tayinlandi. Murodullo Azizov tayinlovga qadar "O`zbekneftgaz" aksiyadorlik jamiyati tijorat departamenti boshlig`i o`rinbosari - marketing bo`limi boshlig`i lavozimida faoliyat yuritib kelayotgan edi.
- Fuqarolar murojaatlari bilan ishlashdagi kamchiliklari uchun Chiroqchi tumani hokimiga “hayfsan” jazosi e`lon qilindi;
- Turizm sohasidagi kamchiliklari uchun viloyat hokimining turizm, madaniyat, madaniy meros va ommaviy kommunikasiyalar masalalari bo`yicha o`rinbosariga “hayfsan” jazosi e`lon qilindi.
