Mirobod tumanida Zeekr avtomashinasi ishtirokida ayanchli YTH aks etgan video ijtimoiy tarmoqlarda tarqaldi.
Halokat yuzasidan ma`lumot bergan Toshkent shahar IIBBga ko`ra, YTH bugun, 8 fevral kuni taxminan soat 15:45 atrofida Mirobod tumani Nukus - Mirobod ko`chalari kesishgan chorrahasida sodir bo`lgan.
KIA, Matiz va Zeekr avtomashinalari ishtirokida yo`l-transport hodisasi natijasida KIA, Matiz, haydovchilari va Zeekr avtomashinasining haydovchisi hamda yo`lovchisi shifoxonaga olib borilgan.
Holat bo`yicha Toshkent shahar IIBB YHXB tomonidan surishtiruv ishlari olib borilmoqda.
