Миробод туманида Zeekr автомашинаси иштирокида аянчли ЙТҲ акс этган видео ижтимоий тармоқларда тарқалди.
Ҳолат юзасидан маълумот берган Тошкент шаҳар ИИББга кўра, ҳалокат бугун, 8 февраль куни тахминан соат 15:45 атрофида Миробод тумани Нукус - Миробод кўчалари кесишган чорраҳасида содир бўлган.
KIA, Mаtiz ва Zeekr автомашиналари иштирокида йўл-транспорт ҳодисаси натижасида уч нафар ҳайдовчи ва бир йўловчи шифохонага олиб борилган.
Ҳолат бўйича Тошкент шаҳар ИИББ ЙҲХБ томонидан суриштирув ишлари олиб борилмоқда.
