Koreya Respublikasida noqonuniy (nolegal) bo`lib turgan o`zbekistonliklar 2024 yil 29 fevralgacha ushbu davlatdan chiqib ketishi mumkin. Bu haqda Tashqi mehnat migrasiyasi agentligi xabar berdi.
Ma`lum qilinishicha, buning uchun chiqib ketishdan 3 ish kuni oldin Immigrasiya xizmatiga borib, ketish to`g`risida ixtiyoriy ariza to`ldirish, pasport va aviachipta taqdim etish zarur.
Immigrasiya xizmati beradigan tasdiqnoma bilan vatanga muammosiz qaytib kelishi mumkun.
Immigrasiya xizmati ma`lum qilishicha, noqonuniy bo`lib turgan fuqaro ushbu imkoniyatdan foydalanib o`z xohishi bilan chiqib ketsa, deportasiya qilinmaydi va kelgusida Koreya Respublikasiga qayta kirib borish imkoniyatiga ega bo`ladi.
️Tashqi mehnat migrasiyasi agentligi yurtdoshlarimizni Koreya Respublikasi migrasiya qonunlarini buzmaslikka va nolegal holatga o`tmaslikka chaqiradi.
