Tashkent Index bozorida avtoturargohlarning tom qismi mashinalar ustiga qulab tushdi. Bu haqda bozor ma`muriyati xabar berdi.
Qayd etilishicha, 16 fevral kuni ob-havoning keskin yomonlashuvi va kuchli qor yog`ishi oqibatida Tashkent Index ko`p tarmoqli savdo-sotiq bozori hududidagi savdo maydonlarining bir qismida, bitta pudratchi tomonidan qurilgan engil konstruksiya (soyabon)ning 50 metrlik qatori qor og`irligidan qulab tushgan.
Ushbu soyabon ostida 35 avtotransport vositasi turgan bo`lib, ulardan 6 tasining kapot, tom, yoki bamper qismlariga shikast etgan.
“Ayni vaqtda avtotransport vositalarining egalari bilan kelishilgan holda, etkazilgan moddiy zararni qisqa fursatlarda qoplab berish chorasi ko`rilmoqda”, — deyiladi xabarda.
