Avvalroq, O`FA buxgalteri 350 ming AQSh dollarni (taxminan 4 milliard so`m) o`zlashtirib Turkiyaga uchib ketgan. Hozirda unga qarshi ish ham ochilgani haqida xabar bergan edik.
Holat yuzasidan O`FA rasmiy munosabat bildirdi.
O`zbekiston futbol assosiasiyasi joriy yilning 19 fevral kuni ommaviy axborot vositalarida tarqalgan ma`lumotlar bo`yicha quyidagilarni bildirdi:
“O`FA tomonidan holat yuzasidan o`rganish ishlari olib borilmoqda. OAV vakillaridan tekshirilmagan va hali tasdig`ini topmagan ma`lumotlarni tarqatmaslikni so`raymiz. O`rganish ishlari yuzasidan tegishli xulosalar chiqarilgach, natijasi bo`yicha qo`shimcha axborot beriladi”, deyiladi xabarda.
