"Mudofaa vazirligi qo‘shinlariga kontrakt bo‘yicha harbiy xizmatga nomzodlarni tanlash tartibi to‘g‘risida"gi nizomga o‘zgartirish va qo‘shimchalar kiritish haqida"gi Mudofaa vazirligining buyrug‘i qabul qilindi.
Hujjat bilan harbiy xizmatga saralashda ishtirok etish huquqiga ega bo‘lgan shaxslar doirasi aniqlashtirilmoqda. Bular 18 yoshdan 30 yoshgacha bo‘lgan, o‘rta, o‘rta maxsus, kasb-hunar yoki oliy ma’lumotga ega bo‘lgan, sobiq "shartnomachilar," shuningdek, 40 yoshgacha bo‘lgan zaxira va zaxiradagi ofitserlardir.
Bunda, erkak jinsidagi nomzod O‘zbekiston Respublikasi Qurolli Kuchlari safida muddatli harbiy xizmatni o‘tagan (o‘tayotgan) yoki safarbarlik chaqiruvi rezervida harbiy xizmatni o‘tagan yoxud oliy ta’lim muassasalari harbiy tayyorgarlik o‘quv bo‘linmalarida o‘qishni tugatgan bo‘lishi, shuningdek harbiy ro‘yxatda turgan bo‘lishi shart.
Bundan tashqari, xizmatga kirishning ayrim imtiyozli shartlari o‘zgarmoqda. Ilgari respublika va xalqaro sport musobaqalari g‘oliblari uchun shartnoma bo‘yicha harbiy xizmatga chaqirishning soddalashtirilgan tartibi mavjud edi: ularga faqat tibbiy ko‘rikdan o‘tish kifoya edi. Ushbu imtiyoz musobaqada g‘alaba qozongan paytdan boshlab 5 yil davomida amal qilgan. Hozir bu muddat 3 yilga qisqartirildi.
