Bugun, 10 sentyabr kuni Jizzax viloyatida hamshira pichoqlangani aks etgan video ijtimoiy tarmoqlarga sizdirildi. Ushbu holat yuzasidan Jizzax viloyati IIB Matbuot xizmati ma’lumot berdi.
Aniqlanishicha, joriy yilning 7 sentyabr kuni soat 21:40 atrofida Jizzax viloyati Zarbdor tumanida istiqomat qiluvchi B.B. o‘zi bilan hozirda birga yashamaydigan, tuman tibbiyot birlashmasida hamshira bo‘lib ishlaydigan turmush o‘rtog‘i D.B.ning tanasiga bir necha marta pichoq urgan.
Gumonlanuvchi qo‘lga olinib, holat yuzasidan tegishli tartibda jinoyat ishi qo‘zg‘atildi. Hozirda dastlabki tergov harakatlari olib borilmoqda.
