Ijtimoiy tarmoqlarda erkak voyaga yetmagan 5 nafar bolalarni uning bog‘idan dovcha uzgani uchun ularga zarar yetkazish bilan og‘zaki tahdid qilib qo‘rqitgani aks etgan video tarqalgan edi. Mazkur holatga Bolalar ombudsmani rasmiy munosabat bildirdi.
Qayd etilishicha, mazkur holat Bolalar ombudsmani tomonidan IIV bilan birgalikda o‘rganmoqda.
“Yuqoridagi holat ya’ni nomaqbul harakatlar bolalarga nisbatan nafaqat ruhiy zo‘ravonlik va tahdid, balki bolaning sha’ni va qadr-qimmatini ommaviy tahqirlash ham hisoblanib, uning ruhiy-emotsional sog‘lig‘iga jiddiy zarar yetkazadi”, — deyiladi munosabatda.
Shuningdek, izohda bunday noqonuniy harakat uchun tegishli tartibda javobgarlik choralari qo‘llanilishi shart ekanligi qo‘shimcha qilinadi.
