NATO bosh kotibi Mark Rutte Ukrainaning Odessa shahriga qilgan tashrifi chog‘ida Rossiyaning Ukraina shaharlariga, jumladan, Odessa va Suma shaharlariga qilgan hujumlarini qoraladi.
“Faqatgina shu dam olish kunlari Rossiya dron-kamikadzelar orqali turar-joy binolari va kasalxonani nishonga oldi… Bor-yo‘g‘i ikki kun oldin, Sumada Xudoning muqaddas kuni — Palma yakshanbasida ikki dona ballistik raketa orqali Rossiya 30 dan ortiq tinch aholining hayotiga zomin bo‘ldi”, — deydi Mark Rutte
Shuningdek, u bu hujumlarni Rossiyaning butun Ukraina bo‘ylab fuqarolik obyektlari va infratuzilmasiga qarshi yuritayotgan “vahshiy rejalari”ning bir qismi deb atadi.
Mark Rutte NATOning Ukrainani qo‘llab-quvvatlashi sobit qolishini ta’kidladi, hatto “oxirgi bir necha oyda bu yordam shubha ostiga olingan bo‘lsa ham”.
Rutte NATO ittifoqchilari 2025-yil boshidan beri Kiyevga 20 milliard yevrodan ortiq harbiy yordam ajratmoqchi ekanini bildirganini eslatdi.
U, shuningdek, NATO a’zolari AQSH sobiq prezidenti Donald Trampning “tinchlik yo‘lidagi intilishlarini” ham qo‘llab-quvvatlashlarini qo‘shimcha qildi.
