НАТО бош котиби Марк Рутте Украинанинг Одесса шаҳрига қилган ташрифи чоғида Россиянинг Украина шаҳарларига, жумладан, Одесса ва Сума шаҳарларига қилган ҳужумларини қоралади.
“Фақатгина шу дам олиш кунлари Россия дрон-камикадзелар орқали турар-жой бинолари ва касалхонани нишонга олди… Бор-йўғи икки кун олдин, Сумада Худонинг муқаддас куни — Пальма якшанбасида икки дона баллистик ракета орқали Россия 30 дан ортиқ тинч аҳолининг ҳаётига зомин бўлди”, — дейди Марк Рутте
Шунингдек, у бу ҳужумларни Россиянинг бутун Украина бўйлаб фуқаролик объектлари ва инфратузилмасига қарши юритаётган “ваҳший режалари”нинг бир қисми деб атади.
Марк Рутте НАТОнинг Украинани қўллаб-қувватлаши собит қолишини таъкидлади, ҳатто “охирги бир неча ойда бу ёрдам шубҳа остига олинган бўлса ҳам”.
Рутте НАТО иттифоқчилари 2025 йил бошидан бери Киевга 20 миллиард евродан ортиқ ҳарбий ёрдам ажратмоқчи эканини билдирганини эслатди.
У, шунингдек, НАТО аъзолари АҚШ собиқ президенти Доналд Трампнинг “тинчлик йўлидаги интилишларини” ҳам қўллаб-қувватлашларини қўшимча қилди.
