Bugun, 23-aprel kuni Rossiya tashqi ishlar vaziri Sergey Lavrov O‘zbekistonga yetib keldi. Bu haqda O‘zbekiston TIV rahbari o‘zining Telegramdagi sahifasida ma’lum qildi.
Rossiya tashqi ishlar vaziri Sergey Lavrov janoblarini Samarqandda kutib olishdan mamnunmiz. Ikki va ko‘p tomonlama kun tartibimizdagi keng ko‘lamli masalalarni qamrab olgan mazmunli muzokaralar o‘tkazishni rejalashtirmoqdamiz ,— deya yozadi Saidov.
Shuningdek, O‘zbekiston Tashqi ishlar vaziri Rossiya bilan mamlakatimiz har tomonlama hamkorlikni amalga oshirishiga tayyorligini qo‘shimcha qilgan.
O‘zbekiston va Rossiya o‘rtasidagi har tomonlama hamkorlikni xalqlarimiz farovonligi yo‘lida yanada rivojlantirishga intilamiz, — deydi vazir.
