Бугун, 23 апрель куни Россия ташқи ишлар вазири Сергей Лавров Ўзбекистонга етиб келди. Бу ҳақда Ўзбекистон ТИВ раҳбари ўзининг Телеграмдаги саҳифасида маълум қилди.
Россия ташқи ишлар вазири Сергей Лавров жанобларини Самарқандда кутиб олишдан мамнунмиз. Икки ва кўп томонлама кун тартибимиздаги кенг кўламли масалаларни қамраб олган мазмунли музокаралар ўтказишни режалаштирмоқдамиз, — дея ёзади Саидов.
Шунингдек, Ўзбекистон Ташқи ишлар вазири Россия билан мамлакатимиз ҳар томонлама ҳамкорликни амалга оширишига тайёрлигини қўшимча қилган.
Ўзбекистон ва Россия ўртасидаги ҳар томонлама ҳамкорликни халқларимиз фаровонлиги йўлида янада ривожлантиришга интиламиз, — дейди вазир.
