2025 yil 25 iyul kuni Toshkent shahar Jinoyat ishlari bo‘yicha Yakkasaroy tuman sudida ochiq sud majlisi o‘tkazildi. Bu haqda Toshkent shahar sudi Darakchi.uz’ga ma’lum qildi.
Sudya B.K. raisligida, xalq maslahatchilari E.A va Sh.M ishtirokida o‘tkazilgan jarayonda “Buran Horeca” MCHJ asoschisi A.X va uning sheriklari — Z.J, A.Y hamda N. Q nisbatan hukm o‘qildi.
Mazkur shaxslar 2025 yil boshidan beri gumon qilinib, sud jarayoni davomida O‘zbekiston Respublikasi Jinoyat kodeksining 186-moddasi 4-qismi “a” bandi va 229-moddasi bo‘yicha ayblangan edilar.
Ularning ayblovlari noqonuniy savdo faoliyati va bojxona qoidalarini buzish bilan bog‘liq.
Sud qaroriga ko‘ra, A.X ga nisbatan 8 yilga ozodlikdan mahrum qilindi. Z.J, A.Y va N.Q har biri 3 yil muddatga ozodlikdan mahrum qilindi.
A.Y ga sud 2025 yil 6–10 yanvar oralig‘ida qamoqda o‘tkazgan kunlari hisobga olinib, umumiy jazo muddati 2 yil 11 oy 25 kun etib belgilandi.
Shuningdek, sud hukmi bilan ularga nisbatan qo‘llanilgan qamoq ehtiyot chorasi davom ettiriladi. Jinoiy yo‘l bilan olingan 103 dona isitish qozonlari maxsus tartibda yo‘q qilinishi belgilandi.
Sud jarayonida jabrlanuvchilarning qonuniy vakillari foydasiga jami 128 million so‘mdan ortiq moddiy zarar undirilishi belgilandi. Bu mablag‘ sudlanuvchilarning qarindoshlari tomonidan to‘liq taqdim etilgan.
