2025 йил 25 июль куни Тошкент шаҳар Жиноят ишлари бўйича Яккасарой туман судида очиқ суд мажлиси ўтказилди. Бу ҳақда Тошкент шаҳар суди Darakchi.uz’га маълум қилди.
Судья Б.К. раислигида, халқ маслаҳатчилари Э.А ва Ш.М иштирокида ўтказилган жараёнда “Buran Horeca” МЧЖ асосчиси А.Х ва унинг шериклари — З.Ж, А.Й ҳамда Н. Қ нисбатан ҳукм ўқилди.
Мазкур шахслар 2025 йил бошидан бери гумон қилиниб, суд жараёни давомида Ўзбекистон Республикаси Жиноят кодексининг 186-моддаси 4-қисми “а” банди ва 229-моддаси бўйича айбланган эдилар.
Уларнинг айбловлари ноқонуний савдо фаолияти ва божхона қоидаларини бузиш билан боғлиқ.
Суд қарорига кўра, А.Х га нисбатан 8 йилга озодликдан маҳрум қилинди. З.Ж, А.Й ва Н.Қ ҳар бири 3 йил муддатга озодликдан маҳрум қилинди.
А.Й га суд 2025 йил 6–10 январь оралиғида қамоқда ўтказган кунлари ҳисобга олиниб, умумий жазо муддати 2 йил 11 ой 25 кун этиб белгиланди.
Шунингдек, суд ҳукми билан уларга нисбатан қўлланилган қамоқ эҳтиёт чораси давом эттирилади. Жиноий йўл билан олинган 103 дона иситиш қозонлари махсус тартибда йўқ қилиниши белгиланди.
Суд жараёнида жабрланувчиларнинг қонуний вакиллари фойдасига жами 128 миллион сўмдан ортиқ моддий зарар ундирилиши белгиланди. Бу маблағ судланувчиларнинг қариндошлари томонидан тўлиқ тақдим этилган.
