Ijtimoiy tarmoqlarda bir necha fuqarolar o‘zaro janjallashganligi aks etgan video tarqaldi. Mazkur holat yuzasidan Toshkent shahar IIBB rasmiy ma’lumot berdi.
Unga ko‘ra, Mirobod tumanidagi Taras Shevchenko ko‘chasida o‘tkazilayotgan turli taomlar va jonli ijrodagi musiqa hamohangligidagi “Mangal Fest” festivalida ayrim fuqarolar jamoat tartibini buzib o‘zaro janjallashganligi holati kuzatilgan va shu yerda xizmat olib borayotgan Ichki ishlar organlari va Milliy gvardiya xodimlari tomonidan ushbu janjal to‘xtatib qolingan.
Hozirda ushbu fuqarolarning barchasining shaxsi aniqdanib, profilaktik suhbat o‘tkazish maqsadida yaqin oradagi IIBga olib borildi.
Videoda aks etgan holat yuzasidan Mirobod tumani IIO FMB tomonidan tergovga qadar tekshiruv o‘tkazilmoqda. Tekshiruv yakuni bo‘yicha jamoat tartibini buzishda ishtirok etgan fuqarolarning harakatlariga huquqiy baho berilishi ta’minlanadi, deyiladi xabarda.
