Qo‘qon shahrida yashovchi shaxs 2021 yilda “Telegram” messenjerida kanal yaratib, unga aqidaparastlik g‘oyalari bilan yo‘g‘rilgan materiallarni joylab, kanalning 9 nafar obunachisiga tarqatdi. Bu haqda D.uz DXX axborot xizmati ma’lum qildi.
Qayd etilishicha, u Instagram ijtimoiy tarmog‘ida hozirgi kunda Suriya davlatida faoliyat olib borayotgan “Tavhid va jihod katibasi” xalqaro terroristik tashkilotining instruktor va media targ‘ibotchisi bilan bog‘lanib, uning da’vatlari ta’siriga tushgan.
So‘ng, Suriya davlatiga jihod qilish uchun nima qilish kerakligi to‘g‘risida o‘zaro audio va xabar orqali yozishmalar olib borib, XTT safiga qo‘shilishga xayrixohlik bildirgan.
O‘z navbatida ushbu shaxs yaqin tanishlari va o‘zining sinfdoshlari orasida “jamoat” shakllantirib, ularni Suriya hududiga “hijrat” qilib, terrorchi guruhlar qatoriga qo‘shilishga da’vat qilgan.
DXX va boshq huquqni muhofaza qiluvchi organlar tomonidan o‘tkazilgan tezkor tadbirlar natijasida uning noqonuniy harakatlari to‘xtatilgan.
Natijada, jinoyat ishlari bo‘yicha Furo‘at tuman sudi tomonidan Jinoyat Kodeksining 244 prim 1-modasi 3-qismi “g” bandi, 244 prim 2-modasi 1-qismida nazarda tutilgan jinoyatni sodir etganlikda aybdor deb topilib, 6 yil muddatga ozodlikdan mahrum qilish jazosi tayinlandi.
