Rossiya poytaxti Moskva shahrida joriy yilning 1 sentyabridan migrantlar uchun koronavirus pandemiyasi davrida ishlagan “Ijtimoiy monitoring” tizimiga o‘xshash dastur ish boshlaydi. Bu haqda Moskva meri Sergey Sobyanin “Komsomolskoy pravde”ga bergan intervyusida ma’lum qildi.
Bildirilishicha, Moskva hokimiyati migrantlarni nazorat qilish uchun “Moskva hududida bir qator tajribalar o‘tkazishga ruxsat olgan”. Merning eslatishicha, barcha aeroportlarda migrantlarga nisbatan biometrik nazorat joriy qilingan. Shuningdek, Moskvada migrantning barcha ma’lumotlari kiritiladigan elektron karta joriy qilinmoqda.
“QR-kod orqali poliyachachi uning haqidagi hamma narsani bilishi mumkin – qachon kelgan, qancha muddatga, qaerda ishlayapti, migratsiya qoidabuzarligi bormi yoki yo‘q. Agar qizil chiroq yonib turbsa, qoidabuzarlik bor, demak, poliyachachi uni ushlashi kerak. Agar yashil bo‘lsa, savol yo‘q”,— deydi mer.
Noqonuniy mehnat migrantlariga qarshi kurash haqda gapirar ekan, Sobyanin “mehnat migratsiyasiga qarshi kurash, ayniqsa, “maxsus harbiy operatsiya” sharoitida, juda yomon hikoya” ekanini qayd etgan. Unging so‘zlariga ko‘ra, bugun mamlakatta ish beruvchilar 5 millionga yaqin ishchini topa olmayapti.
Shuningdek, Sobyanin “so‘nggi 10 yil ichida migrantlarning deyarli barcha turdagi jinoyatlari qariyb uchdan birga kamayganini” ham ma’lum qilgan.
