Ertaga Oy Yerga eng yaqin masofaga keladi

7 oktyabr kuni Oy perigey nuqtasiga yaqinlashib, Yerga eng yaqin masofada joylashadi. Bu astronomik hodisa tufayli osmondagi Oy odatdagidan kattaroq va yorqinroq koʻrinadi. TASS xabariga koʻra, ertaga Oy bilan Yer orasidagi masofa 360 ming kilometrdan ham qisqaradi, bu esa Oy Yerdan eng uzoq boʻladigan masofadan (406 ming km) 14 foiz yaqinroq deganidir. Odatda, Yer bilan Oy orasidagi oʻrtacha masofa 384,4 ming kilometrni tashkil qiladi. Astronomlarning taʼkidlashicha, bu holatda Oy odatdagidan kattaroq va yorqinroq koʻrinadi, ammo bu toʻliq Superoy emas. Oktyabr oyida kuzatiladigan boshqa muhim osmon hodisalari: 8 oktyabr — Oy biroz uzoqlashadi, 13 oktyabr — Oy Yupiter yonida koʻrinadi, 19 oktyabr tongida — Oy Zuhro (Venera) yaqinida boʻladi, 23 oktyabr — Oy Yerga eng uzoq nuqtaga (406 ming km) etadi. Osmon hodisalarini kuzatish uchun ob-havo sharoitlari qulay boʻlsa, tungi osmon goʻzal manzara taqdim etishi kutilmogda.