2025 yil 14 oktyabr kuni Toshkent shahar Shayxontohur tuman ma’muriy sudi tomonidan Paxtakor metro bekatida ayol yo‘lovchiga nisbatan shilqimlik qilgan 2002 yilda tug‘ilgan yigit — S.B.ga nisbatan qaror chiqarildi.
Ma’lumotlarga ko‘ra, u 2025 yil 20 sentyabr kuni Paxtakordan Xalqlar do‘stligi bekatiga harakatlanish vaqtida A.D. ismli ayolning beldan past qismini ushlab, nomaqbul harakat sodir etgan. Sudda u aybini tan olib, qilgan ishidan pushaymon ekanini bildirgan.
Sud hukmiga ko‘ra, S.B. Ma’muriy javobgarlik to‘g‘risidagi kodeksning 411-moddasi 1-qismi (jamoat joyida shahvoniy shilqimlik) bo‘yicha aybli deb topilib, 5 sutka ma’muriy qamoq jazosiga hukm qilindi.
