"24.kg" xabariga ko‘ra, hodisa joriy yilning 7 fevral kuni sodir bo‘lgan. Jazoni ijro etish davlat xizmati ma’lum qilishicha, 41 yoshli ayblanuvchining jasadi soat 12:30 atrofida kameradan aniqlandi. Dastlabki ma’lumotlarga ko‘ra, u o‘z joniga qasd qilgan bo‘lishi mumkin. Holat yuzasidan tergovgacha qadar tekshiruv ishlari olib borilmogda.
Qumarbek Abdirow 2025 yil sentyabr oyida 17 yoshli Oysuluw MukashevanI zo‘rlab o‘ldirganlikda ayblanib hibsga olingan edi. Tergov davomida u bir nechta ayolni zo‘rlab, o‘ldirganini tan olgan. U taksi haydovchisi bo‘lib ishlagani, qurbonlarni asosan shahar chetida va tog‘li hududlarda o‘ldirgani ma’lum qilingan.
Ma’lumotlarga ko‘ra, Abdirow avval ham jinoyiy javobgarlikka tortilgan bo‘lib, 2016 yilda qotillikka urinish uchun 12 yilga qamalgan, keyinchalik jazo muddati qisqartirilib, 2018 yilda muddatidan oldin ozodlikka chiqqan.
Mazkur ish jamoatchilikda keng muhokamalarga sabab bo‘lgan. Shuningdek, Abdirowning muddatidan oldin ozod etilishiga aloqador bo‘lgan Bishkek shahar sudining uch nafar sobiq sudyasi va bir nafar prokuror ham hibsga olingan.
